पणजी, मुलांमध्ये वाचनाची आवड निर्माण करण्यासाठी वेगळे प्रयोग, प्रयत्न करायला हवेत, असे मत बिहारचे राज्यपाल राजेंद्र आर्लेकर यांनी येथे व्यक्त केले.

बिल्वदल परिवार संस्थेचा तपपूर्ती वर्धापनदिन येथील इन्स्टिट्यूट मिनेझिस ब्रागांझा (आयएमबी) च्या छोटेखानी सभागृहात शनिवारी पार पडला, त्यावेळी आर्लेकर बोलत होते. व्यासपीठावर आयएमबीचे अध्यक्ष दशरथ परब, संस्थेचे अध्यक्ष सागर जावडेकर, उपाध्यक्ष डॉ. राजेंद्र साखरदांडे व म. कृ. पाटील, सचिव ॲड. करुणा बाक्रे यांची उपस्थिती होती.

बिल्वदलचे अधिसदस्यत्व स्वीकारल्याबद्दल राज्यपाल आर्लेकर यांचा यावेळी सन्मान कऱण्यात आला. योगशिक्षक कमलेश बांदेकर व वास्तुरचनाकार जयवंत नाईक यांना साखळी भूषण पुरस्कार यावेळी प्रदान करण्यात आला.