पणजी, मासिक पाळी आरोग्य आणि गर्भाशय मुखाचा कर्करोग या विषयावर पणजीत मार्गदर्शन कार्यक्रमाचे आयोजन तज्ज्ञ डाॅक्टरांच्या सहकार्याने केले होते.
असोचेम, गोवा राज्य विकास मंडळ, आरोग्य सेवा संचालनालय, व्हिक्टर अपोलो हॉस्पिटल, कलरकॉन एशिया प्रा. कंपनी यांच्या संयुक्त विद्यमाने हा कार्यक्रम झाला.
यावेळी असोचॅमच्या अध्यक्ष पल्लवी साळगावकर, गोवा आरोग्य सेवा संचालनालयाचे डॉ. मोहनराव देसाई, गोमंतक आयुर्वेद महाविद्यालयाच्या डॉ. गीता पत्की, व्हिक्टर हॉस्पिटलचे डाॅ. अविनाश आनंद आदींनी मार्गदर्शन केले.
प्रारंभी पल्लवी साळगावकर यांनी उपस्थित मान्यवरांचे स्वागत केले. डॉ. अविनाश आनंद यांनीही मार्गदर्शन केले.
मासिक पाळी : चिंतेचा विषय
डॉ. मोहनराव देसाई म्हणाले, मासिक पाळी हा आपल्या देशात आजही एक चिंतेचा विषय बनला आहे. आरोग्य सेवा संचालनालयातर्फे विविध शाळा आणि अंगणवाड्यांमधून याविषयी विविध उपक्रम राबविले जातात. राष्ट्रीय किशोर स्वास्थ्य कार्यक्रम ग्रामीण भागांमधील सुमारे २० शाळांमधून राबविला जातो. या शाळांमध्ये मुलींना मोफत सॅनिटरी नॅपकिन्स पुरविण्यात येतात.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.