डिचोली: नळाद्वारे पाणी पुरवठा बंद राहिल्याने आज पवित्र असा पहिला ''श्रावणी सोमवार'' कोरडा गेला. त्यामुळे गृहिणींसह भक्तांची मोठी गैरसोय झाली. साखळीसह डिचोलीतील काही भागांना पाणी पुरवठा करणाऱ्या पडोसे जलशुद्धीकरण प्रकल्पात वीज बिघाड निर्माण झाल्याने काल (रविवारी) रात्रीपासून पाणी पुरवठ्यावर परिणाम झाला होता. अशी माहिती जलस्रोत खात्याच्या सूत्रांकडून मिळाली.
परिणामी साखळीसह कारापूर, सर्वण आणि डिचोलीतील काही भागात काल रात्रीपासून आज (सोमवारी) दिवसभर नळ कोरडे राहिले. त्यामुळे पाण्यासाठी जनतेचे हाल झाले. हॉटेल व्यावसायिकांनाही मोठा फटका बसला.काल रात्रीपासून नळाद्वारे पाणी न आल्याने महिलांची गैरसोय झाली.
नळ कोरडे राहिल्याने सोमवार व्रत पाळणाऱ्या भक्तांची मोठी गैरसोय झाली. नळाद्वारे पाणी पुरवठा बंद राहिल्याने महिलांसह पुरुषांना पाण्यासाठी जवळपासच्या विहिरीवर धाव घ्यावी लागली. बहूतेक महिला तर नळांना पाणी कधी येईल. त्याची प्रतीक्षा लागून राहिली होती. जलशुद्धीकरण प्रकल्पातील बिघाड दूर करुन, सायंकाळी ५ वाजण्याच्या सुमारास नळांना पाणी आले, आणि मग जनतेचा जीव भांड्यात पडला.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.