मोरजी: गोव्याचे राजकारण शुद्ध आणि स्वच्छ करण्यासाठी आणि लोकशाहीचे रक्षण करण्यासाठी केवळ आम आदमी पक्षाचेच (AAP) सरकार राज्याला दिशा दाखवू शकते. लोकशाहीचा खून करणाऱ्यांना केवळ ‘आप’चे नेते अरविंद केजरीवाल तुरुंगात पाठवू शकतात, असे प्रतिपादन ‘आप’चे नेते ॲड. प्रसाद शहापूरकर (Prasad Shahapurkar) यांनी केले.

आस्कावाडा-मांद्रे येथे पक्षाच्या कार्यालयाचे उद्‍घाटन केल्यानंतर ते बोलत होते. नेते उपेंद्र गावकर, उमेश कोलवाळकर, युवा अध्यक्ष पूजन मालवणकर यांच्‍यासह अन्‍य मान्‍यवर उपस्थित होते. ॲड. प्रसाद शहापूरकर म्‍हणाले, राज्‍यात अनेक समस्‍या प्रलंबित आहेत. नोकरी (Job), पर्यटन (Tourism) समस्या मोठ्या प्रमाणात भेडसावत आहेत.

मामलेदार, गटविकास अधिकारी, उपजिल्हाधिकारी, पेडणे सरकारी कार्यालयात कर्मचारी कार्यालयात उपस्‍थित नसतात. परिणामी लोकांची कामे वेळेत होत नाही. मंत्री (Minister), आमदार यांचे लक्ष नसल्याने मनमानी वाढली आहे. किनारी भागात सीआरझेड समस्या, टॅक्सी व्यावसायिकांच्या समस्या आणि किनारी पर्यटकांसाठी ज्या समस्या आहेत त्या समस्या सरकारला आजपर्यंत सोडवता आल्या नाहीत, अशी टीका त्‍यांनी केली.