Online Fraud: ‘जी पे’ वरून 1 रुपया ट्रान्सफर केल्याच्या बदल्यात 99 हजार रुपये घालवून बसण्याची नामुष्की ओढवलेल्या आके बायश येथील सुरेंद्र नाईक यांनी ऑनलाईन संपर्क केलेल्या भामट्याला मोबाईलवर आलेला ‘ओटीपी’ सांगण्याची चूक केली. त्याच चुकीमुळे त्याचे कष्टाने कमवलेले 99 हजार त्या भामट्याच्या खात्यात जमा झाले.

मडगाव पोलिसांनी दिलेल्या माहितीनुसार नाईक यांचा एक फ्लॅट असून तो ते पर्यटकांना भाड्याने देतात. हाच फ्लॅट भाड्याने घेण्याच्या बहाण्याने सुरेंद्र शर्मा नामक इसमाने त्यांच्याशी संपर्क साधला. भाड्याची चौकशी करून ‘जी पे’ वरून मला एक रुपया पाठवा, मी तुम्हाला तुमचे पैसे पाठवतो, असे सांगितले.

पोलिस निरीक्षक तुळशीदास नाईक यांनी सांगितले,की नाईक याला मोबाईलवर भामट्याने एक लिंक पाठवून ती उघडायला सांगितली. नंतर तीनदा ओटीपी विचारून घेऊन त्यांच्या खात्यातील 99 हजार स्वतःच्या खात्यात वळते केले.