मालपे येथे पेडण्याच्या दिशेने येणाऱ्या साकवाची धडा कोसळली असून त्याची वेळीच दुरुस्ती न केल्यास जवळचा संपूर्ण रस्ता कोसळण्याची शक्यता निर्माण झाली आहे.

चारपदरी महामार्गावरून पेडण्याच्या दिशेने येणारा हा मुख्य रस्ता आहे. गेल्या डिसेंबरमध्ये या रस्त्याच्या बाजूने मांद्रे मतदारसंघात वीज वाहिनी नेण्यासाठी खोदकाम करण्यात आले होते. वीज केबल टाकून झाल्यानंतर या रस्त्यावर खोदलेले चर बुजवून त्याचे योग्य प्रकारे बांधकाम न केल्याने रस्त्याची ही कडा कोसळली आहे.

या कोसळलेल्या भागाचे वेळीच बांधकाम न केल्यास पावसामुळे तेथील माती ढासळून हा रस्ता वाहतुकीसाठी बंद होण्याची भीती असून पेडणे,देवसू, कोरगाव ते हरमल, पालये, केरी आदी गावांतील वाहतूक ठप्प होण्याची शक्यता आहे.