गोव्यात अपघातांचे सत्र थांबण्यास तयार नाही आज पुन्हा एका चारचाकीचा अपघात झाला असून या अपघातात शिरोड्यातील महिला जागीच ठार झाली असल्याची माहिती समोर आली आहे. त्यामुळे समोर आलेल्या माहितीनुसार गोव्यात प्रत्येत 34 तासात एक कुटुंब अपघाताने उद्ध्वस्त होत असल्याचा प्रत्यय आज आला आहे.

(One killed on the spot in a car accident at Shiroda)

मिळालेल्या माहितीनुसार फोंडा तालुक्यातील शिरोडा येथे एक चारचाकी वेगाने धडक दिली असल्याने मोठा अपघात झाला आहे. या अपघातात उमा उमेश गुरव वय 66 यांचा जागीच मृत्यू झाला आहे. तर तिघे गंभीर जखमी झाले आहेत. तसेच अपघातग्रस्त कारचे मोठे नुकसान झाले असल्याची माहिती समोर आली आहे.

मिळालेल्या माहितीनुसार आज सायंकाळी शिरोडा येथील गुरव कुटुंबिय चारचाकी वाहनातून शिरोडा मुख्य मार्गावरुन प्रवास करत होती. यावेळी एका वजनगाळ परिसरातील एका मोठ्या वळणावर गाडी आली असताना एका झाडाला वेगाने धडकली. या धडकेत उमा उमेश गुरव या ठार झाल्या तसेच कुटुंबातील इतर तीन व्यक्ती गंभीर जखमी झाल्या आहेत.

मिळालेल्या माहितीनुसार जखमींना जवळच्या रुग्णालयात दाखल करण्यात आले असून त्यांच्यावर उपचार सुरु असल्याची माहिती स्थानिकांनी दिली आहे. तसेच घटनास्थळी पोलिस दाखल झाले असून घटनेचा पंचनामा सुरु असल्याची माहिती समोर आली आहे.