मडगाव -कारवार हमरस्त्यावर दापट- माशे येथे मडगावहून कारवारच्या दिशेने जाणाऱ्या केए 66 एम 4390 या कारने धडक दिल्याने मोटारसायकलस्वार गंभीर जखमी झाला आहे. के एल 79-3687 वरुन मोटारसायकलने कारवारहून मडगावच्या दिशेने जात होता. यावेळी हा अपघात घडला.

(One injured in accident between motorcycle and car on margao-Karwar road)

मोटारसायकलस्वार गोवा पाहण्यासाठी येत होता. कार चालक दुसऱ्या वाहनाला बगल देऊन पुढे जात असताना हा अपघात घडला. या अगघातात मोटारसायकल स्वार जयदीप याच्या पायाला जबर दुखापत झाली आहे. काणकोण पोलिसांनी अपघाताचा पंचनामा करून जखमीला काणकोण सामाजिक आरोग्य केंद्रात प्राथमिक उपचारासाठी दाखल केले आहे.

या अपघातात मोटार सायकलची जबर नुकसान झाली आहे. हमरस्त्यावर जवळच शैक्षणिक संस्था असल्याने वाहनांच्या वेगावर नियंत्रण ठेवण्यासाठी रम्बलर्स घालण्यात आले आहेत. या पूर्वी या ठिकाणी गतीरोधक होते मात्र हमरस्त्यावर गतीरोधक घालण्यास निर्बंध असल्याने रस्त्याचे हॉटमिक्स डांबरीकरण करत असताना ते काढून टाकण्यात आले. आता घातलेल्या रम्बलर्सवरून गाड्या जाताना त्या घसरत असल्यामुळे अपघात होत आहेत. असे या भागाचे माजी पंच सांतान कॉस्ता व सिद्धेश प्रभू देसाई यांनी सांगितले.