Crime News : अल्पवयीन मुलीला स्वत:चे अश्लील फोटो पाठवणाऱ्या एका संशयिताला कोलवाळ पोलिसांनी अटक केली आहे. याप्रकरणी कोलवाळ पोलिस पुढील तपास करीत आहेत.

कोलवाळ पोलिसांनी दिलेल्या माहितीनुसार, पीडित मुलीच्या आईने 18 जूनला पोलिसांत संशयिताविरोधात तक्रार दाखल केली होती. तिच्या मुलीशी संशयिताने इंस्टाग्रामवर मैत्री केली. त्यानंतर त्याने स्वताचा अश्लील फोटो तिला पाठवले आणि तिच्याकडून तशी मागणी केली असे तक्रारीत नमुद करण्यात आले आहे.

तक्रारीच्या आधारे म्हापसा एसडीपीओ जिवबा दळवी यांनी तपास करण्यासाठी पथक रवाना केले व संशयिताला अटक केली. अभिषेक सावंत, (40) रा. पिर्णा, बार्देश असे अटक करण्यात आलेल्या संशयिताचे नाव आहे. संशयित सध्या पोलिस कोठडीत आहे.

पुढील तपास उत्तर गोवा जिल्ह्याचे पोलील अधीक्षक निधीन वाल्सन, म्हापसाचे एसडीपीओ जिवबा दळवी यांच्या देखरेखीखाली एलपीएसआय सोनम वेरेणकर यांच्याकडे पुढील तपास सुरू आहे.