शिमगोत्सवानिमित्त मुरगाव गोवा शिमगोत्सव समिती वास्को यांच्या वतीने उद्या दिनांक 12 मार्च रोजी रात्री 8 वाजता वास्को रेल्वे स्टेशन समोर शिवगणेश प्रोडक्शन मुंबई निर्मित प्रा. वसंत कानेटकर लिखित आणि श्री गणेश ठाकूर दिग्दर्शित 'इथे ओशाळला मृत्यू' या नाट्य प्रयोगाचे आयोजन करण्यात आले आहे.

सिंधुदुर्गसह मुंबई, कोल्हापूर यासारख्या ठिकाणी तुफान गाजलेल्या या नाट्यप्रयोगाने गेल्याच वर्षी ऐतिहासिक कामगिरी करत शिवजयंती निमित्त सावंतवाडी संस्थान येथे आयोजित नाट्य प्रयोगाला राज घराण्याकडून "वन्स मोर" मिळवला होता.

आपल्या तडफदार अभिनयातून श्री गणेश ठाकूर यांनी छत्रपती संभाजीराजे भोसले यांची भूमिका साकारली असून, विविध प्रसंगातून अंगावर काटा उभा राहतो. या नाट्यप्रयोगाचा रसिक प्रेक्षकांनी आस्वाद घ्यावा असे आवाहन मुरगाव गोवा शिमगोत्सव समिती वास्को करण्यात आले आहे.