राज्यात गेल्या काही दिवसांपासून पोलिसांनी ड्रग्जविरोधात धडक मोहीम राबवली आहे. विविध ठिकाणाहूंन ड्रग्ज तस्करांच्या मुसक्या आवळून त्यांच्याकडून मोठ्याप्रमाणावर मुद्देमाल जप्त केला जात आहे. याच पाश्वभूमीवर कोलवा पोलिसांनी बेताळभाटी येथून ओडिशातील तरुणाला 895 ग्रॅम गांजासह अटक केली. सुमित मोहन दास असे या तरुणाचे नाव आहे. दासकडून जप्त करण्यात आलेल्या गांजाची 89, 500 रुपये एवढी आहे.

दरम्यान, काही दिवसांपूर्वी डायसवाडा-नागोवा येथे हणजूण पोलिसांनी ड्रग्स तस्करीअंतर्गत छापा टाकून 8.17 लाखांचा 8.175 किलोग्रॅम गांजा जप्त केला. याप्रकरणी संशयित संजीब हपाना मारंदी (26) व दीपिका धोबुनी पोलाई (18) या ओडिशातील दोघांना अटक करण्यात आली होती.

डायसवाडा येथील चॅपेलजवळ ड्रग्सचा विक्रीव्यवहार होणार असल्याची माहिती पोलिसांना मिळाली होती. त्यानुसार पोलिसांनी सापळा रचला. संशयित घटनास्थळी येताच त्यांना पोलिसांनी पकडले. झडतीवेळी संशयित संजीब मारंदी याच्याजवळ 4.107 किलोग्रॅम तर संशयित दीपिका पोलाई हिच्याकडे 4.068 किलोग्रॅम गांजा सापडला. या गांजाची किंमत 8 लाख 17 हजार 500 रुपये आहे. संशयितांकडून हा गाजा जप्त करुन त्यांच्याविरुद्ध अमली पदार्थ प्रतिबंधक कायद्यांन्वये गुन्हा नोंद केला व त्यांना अटक केली.