Margao Crime News

मडगाव: एका सिगारेट कंपनीच्या सिगारेटची आक्षेपार्ह रिल्स बनवून नंतर ती सोशल मीडियावर व्हायरल करण्याचे भलतेच साहस काही जणांच्या अंगलट आले आहे. मडगाव पोलिस ठाण्यात याबाबत तक्रार नोंद झाली असून, पोलिसानी संशयितांवर गुन्हा नोंद केला आहे.

जूनाथ प्रभू मळकर्णेकर हे तक्रारदार आहेत. १८ मार्च पूर्वी काही जणांनी गोलू या सोशल मीडियावर गोल्ड फ्लॅक इंडी मिंट सिगारेटची आक्षेपार्ह रिल्स बनवून ती इंस्टाग्राम व फेसबुकवर घातली होती. त्याचा आपल्या व्यवसायावर परिणाम झाला, असे तक्रारदाराने आपल्या तक्रारीत नमूद केले आहे.

राघव शर्मा, अस्ति सहनी, मोहम्मद फाहदे, नकुल पंडित, ऋषि गुप्ता, योगेश गालव, प्रथम सिंग, झुबेर शेख, फय्याज खान व इतरांवर पोलिसांनी गुन्हा नोंद केला आहे. पोलिस निरीक्षक तुळशीदास नाईक यांच्या मार्गदर्शनाखाली उपनिरीक्षक निलेश शिरवईकर पुढील तपास करीत आहे.