पणजी: देशातील सर्वात लहान राज्य असलं तरीही गोव्याने बाल पोषणाच्या क्षेत्राच्या बाबतीत देशात एक आदर्श निर्माण केला आहे. केंद्र सरकारच्या अहवालानुसार, गोव्यातील बाल कुपोषणाचे प्रमाण केवळ ५.८४ टक्के असल्याने ते राष्ट्रीय स्तरावर उल्लेखनीय मानले गेले आहे.

राज्यात कुपोषण प्रमाणात घट

कमी वजनाची मुले २.१८ टक्के आणि जेवणाचा अपव्यय असणाऱ्या मुलांची संख्या ०.८५ टक्के एवढी कमी असल्याने या आकडेवारीवरून राज्यातील मुलांना पोषणयुक्त व संतुलित आहार मिळत असल्याचे स्पष्ट झाले आहे. केंद्र सरकारकडून मुलांच्या आरोग्यविषयक अहवाल तयार करताना पोषण, आरोग्य, आहार व अन्य निकषांचा अभ्यास करण्यात आला होता.

सिक्कीम आणि लडाख या राज्यांप्रमाणेच गोव्यातही कुपोषणाचा दर कमी असून, अन्न व पोषणाबाबत गोवा राज्याने उत्तम कामगिरी केली आहे. राज्याच्या आरोग्य विभागाने पोषण अभियान आणि विविध योजनांच्या माध्यमातून मुलांच्या पोषणाला प्राधान्य दिले आहे, त्यामुळे राज्यातील बाल आरोग्य सुधारले आहे.