पणजी: राज्यात कोरोनाच्या चाचण्यात वाढ होत आहे. तर दुसरीकडे, नव्या रुग्णांची संख्याही कमी होताना दिसून येत आहे. ही राज्यासाठी दिलासादायक बाब आहे. सोमवारी केवळ 1695 चाचण्या करण्यात आल्या होत्या. मंगळवारी मात्र 3120 चाचण्या झाल्या. (The number of corona patients is decreasing in goa)

त्यातून 327  नवे कोरोनाबाधित सापडले. त्यामुळे राज्यात कोरोना  नियंत्रणात येत असल्याचे स्पष्ट झाले आहे. गेल्या पाच दिवसांमध्ये 14 हजार 694 चाचण्या करण्यात आल्या. त्यातून 1895 नवे कोरोनाबाधित सापडले. त्याचबरोबर पाच दिवसांत 3269 कोरोनाबाधित बरे झाले आहेत. आरोग्य खात्याने दिलेल्या माहितीनुसार, मंगळवारी 548 कोरोनाबाधित बरे झाले तर 10 जणांचा मृत्यू झाला. त्यामुळे कोरोनाबाधित मृत्यू होणाऱ्यांची संख्या 2947 झालेली आहे.  दहापैकी 5  जणांचा मृत्यू गोवा वैद्यकीय महाविद्यालय बांबोळी येथे, चौघांचा दक्षिण गोवा जिल्हा  इस्पितळ, मडगाव येथे मृत्यू झाला. दक्षिण गोव्यातील एका खाजगी इस्पितळामध्ये एकाचे निधन झाले.  

5 दिवसांतील चाचण्या : 14694 
 नवे कोरोनाबाधित : 1895 
 बरे झालेले : 3269 
 पाच दिवसांत मृत्यू :  56

Goa Ivermectin scam: कोण खरा, कोण खोटा? ‘आरटीआय’तून पर्दाफाश