काणकोण: पैगीण पंचायतीचे सरपंच जगदीश गावकर यांच्या विरोधात पांच पंचानी दाखल केलेला अविश्वास ठराव सरपंचासह अन्य चार पंच बैठकीला अनुपस्थित राहिल्याने पांच विरूद्ध शुन्य मतानी समंत झाला.ही बैठक काणकोणचे गटविकास अधिकारी अनिल नाईक यांच्या निरिक्षक पदाखाली झाली.

पंचायत मंडळाचा कार्यकाल संपण्या उणेपूरे दोन महिने असताना विधानसभा निवडणुकी नंतर राज्यात विद्यमान सरपंचा विरोधात अविश्वास ठराव दाखल करण्यात आला होता .सरपंचावरील अविश्वास ठराव समंत झाल्याने सरपंच पदाचा ताबा उपसरपंच एल्डा फर्नांडीस यांच्याकडे देण्यात आला आहे.

पैगीणचे सरपंच जगदीश गावकर याच्यावर नऊ पैकी पांच पंचाचा अविश्वास ठराव दाखल केला होता.त्या ठरावर चर्चा करण्यासाठी आज (ता.1) सकाळी 11 वाजता पंचायत मंडळाची खास बैठक आयोजित करण्यात आली.या बैठकीला अविश्वासवाच्या नोटीसीवर सह्या केलेले महालवाडेचे पंच रामदास पुजारी,वेलवाडा वार्डाच्या पंच सरिता पागी,अर्धफोंड येथील एल्डा फर्नाडीस,गाळयेचे पंच प्रवीर भंडारी,व तळपणचे पंच रूद्रेश नमशीकर उपस्थित होते. नवीन सरपंचाच्या निवडीसाठी पंचायत संचालकांनी तारीख दिल्यास रूद्रेश नमशीकर यांची वर्णी सरपंचपदी लागणार असल्याचे पंच प्रवीर भंडारी यांनी सांगितले.