Unusually Warm Weather Continues in the Goa Ahead of Diwali

पणजी: अवघ्या काही दिवसांवर दिवाळी आली असताना अजूनही राज्यात थंडीची चाहूल नाही. एरव्ही किमान दिवाळीच्या सात-आठ दिवस अगोदर थंडीची चाहूल लागायची कमाल तापमान ३० अंश सेल्सिअसच्या खाली असायचे; परंतु यंदा अजूनही थंडी पडलेली नाही.

मात्र, मोठ्या प्रमाणात वाढलेल्या उष्म्याने नागरिक हैराण झाले आहेत. पंखा किंवा वातानुकूलन यंत्रणेविना राहणे असह्य होत आहे. पाऊस बंद झाल्यानंतर ऐन हिवाळ्याच्या दिवसांत कडक ऊन पडत असल्याने काही प्रमाणात रोगराई पसरण्याची भीतीही व्यक्त केली जात आहे.

सध्याच्या वातावरणाबाबत सांगताना गोवा वेधशाळेचे संचालक नहुष कुलकर्णी म्हणाले की, राज्यात तापमानाची जी सध्या स्थिती आहे तशीच पुढील काही दिवस असण्याची शक्यता आहे. पुढील दोन-चार दिवस हवामान कोरडे राहण्याची शक्यता आहे.