Shetkari Aadhar Nidhi Dainik Gomantak
गोवा

बळीराजाला नववर्षाची भेट! 3,950 शेतकऱ्यांच्या खात्यात 3.68 कोटींची भरपाई जमा; मुख्यमंत्र्यांच्या हस्ते 'शेतकरी आधार निधी'चे वितरण

Goa Farmer Compensation: मुख्यमंत्री डॉ. प्रमोद सावंत यांच्या हस्ते एकूण ३ कोटी ६८ लाख रुपयांच्या नुकसान भरपाईचे वितरण करण्यात आले

Akshata Chhatre

डिचोली: गेल्या काही महिन्यांत झालेल्या अवकाळी पावसामुळे गोव्यातील शेतीचे मोठ्या प्रमाणावर नुकसान झाले होते. कष्टाने पिकवलेले पीक डोळ्यांदेखत मातीत गेल्यामुळे हतबल झालेल्या शेतकऱ्यांना राज्य सरकारने नवीन वर्षाच्या सुरुवातीलाच मोठा आर्थिक दिलासा दिला आहे. शनिवारी (दि.३) डिचोली आणि साखळी येथे आयोजित करण्यात आलेल्या दोन विशेष कार्यक्रमांमध्ये मुख्यमंत्री डॉ. प्रमोद सावंत यांच्या हस्ते एकूण ३ कोटी ६८ लाख रुपयांच्या नुकसान भरपाईचे वितरण करण्यात आले.

मुख्यमंत्र्यांची संवेदनशीलता

'शेतकरी आधार निधी' या महत्त्वाकांक्षी योजनेअंतर्गत ही सर्व मदत लाभार्थ्यांच्या बँक खात्यात थेट जमा करण्यात आली आहे. या कार्यक्रमात बोलताना मुख्यमंत्री डॉ. प्रमोद सावंत कमालीचे भावूक होते. ते म्हणाले की, शेतकरी हा केवळ अन्नदाता नसून तो समाजाचा मजबूत कणा आहे.

निसर्गाच्या अवकृपेमुळे जेव्हा त्यांचे नुकसान होते, तेव्हा केवळ सरकारी नियम न पाहता माणुसकीच्या नात्याने त्यांच्या पाठीशी उभे राहणे हे आमचे कर्तव्य आहे. ज्या १,२०० शेतकऱ्यांकडे तांत्रिक कारणांमुळे 'कृषी कार्ड' नव्हते, त्यांनाही विशेष तरतूद करून मदत देण्यात आली आहे, ही या मोहिमेची सर्वात मोठी उपलब्धी मानली जात आहे.

शेतीमध्ये आधुनिक बदलांची गरज: 'समूह शेती'ची हाक

केवळ नुकसान भरपाई देऊन न थांबता, मुख्यमंत्र्यांनी शेतकऱ्यांना भविष्यातील संकटांपासून वाचण्यासाठी आधुनिक शेतीचा मार्ग दाखवला. त्यांनी 'समूह शेती' (Community Farming) या संकल्पनेवर विशेष भर दिला.

आमोणा, कुडणे आणि न्हावेली यांसारख्या गावांमध्ये समूह शेतीचे प्रयोग यशस्वी झाले असून ते अत्यंत किफायतशीर ठरत आहेत. शेतकऱ्यांनी छोट्या तुकड्यांवर शेती करण्याऐवजी एकत्र येऊन शेती केल्यास खर्च कमी होतो आणि नफा वाढतो, असे त्यांनी नमूद केले. तसेच, पावसाळ्यातील अनिश्चितता पाहता शेतकऱ्यांनी 'वायंगणी' (रब्बी) पिकांकडे अधिक वळावे, जेणेकरून उत्पादनाची हमी मिळेल.

प्रशासकीय पारदर्शकता आणि लोकप्रतिनिधींचे समाधान

कृषी संचालक संदीप फळदेसाई यांनी या प्रक्रियेतील पारदर्शकतेवर प्रकाश टाकला. जिल्हा पंचायत निवडणुकांच्या आचारसंहितेमुळे या मदतीला काही काळ विलंब झाला, तरीही डिसेंबरअखेरपर्यंत ही प्रक्रिया पूर्ण करण्याचे सरकारचे उद्दिष्ट यशस्वी झाले आहे. डिचोलीचे आमदार डॉ. चंद्रकांत शेट्ये आणि मयेचे आमदार प्रेमेंद्र शेट यांनीही यावेळी आपले विचार मांडले.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Agniveer Recruitment Data Leak: मोठी खळबळ! अग्निवीरांचा डेटा डार्क वेबवर विकायचा डाव? 14 वर्षांच्या मुलाला दिल्ली पोलिसांनी घेतलं ताब्यात

Railways New Rules: प्रवाशांनो सावधान! ट्रेनमध्ये मोठ्या आवाजात बोलणे पडू शकते महागात; न ऐकल्यास भोगावा लागू शकतो तुरुंगवास अन् दंड

Check Dam Construction: 3 तालुक्यांत 116 बंधाऱ्यांत पाणी अडवले; परिसरातील भूजल पातळीत वाढ झाल्याचा दावा

Gurpatwant Singh Pannun Murder Plot: खलिस्तानी दहशतवादी गुरपतवंत सिंग पन्नूच्या हत्येचा कट, अमेरिकन कोर्टाचा निखिल गुप्ताला झटका; सुनावली 20 वर्षांची शिक्षा

Marigold Farming: काणकोणात झेंडूचा बहर; 1,060 क्विंटल उत्पादन, स्थानिक फुलांना ग्राहकांची पसंती

SCROLL FOR NEXT