New Year Celebration on Goa Beach: नवीन वर्षाचे स्वागत करण्यासाठी किनारी भागात मोठ्या प्रमाणात गर्दी करतात. यावेळी नव्या वर्षाचा सूर्य उजाडेपर्यंत संगीत पार्ट्या सुरू असतात.

यावर्षी विदेशी पर्यटकांची नगण्य संख्या, तर देशी पर्यटकांचा उत्साह किनारी भागात मावळत्या वर्षाला निरोप देण्यासाठी दिसून आला.

यावेळी ठिकठिकाणी वाहतूक कोंडी झाली होती. डिसेंबर महिन्यात पूर्ण वर्षाच्या तुलनेत पर्यटकांची संख्या वाढते; यामुळे आर्थिक उलाढालही मोठ्या प्रमाणात वाढते. या दरम्यान, हॉटेल्स तसेच खाद्यपदार्थांच्या किमतीमध्येही वाढ होते.

काल नवीन वर्षाचे सेलिब्रेशन करण्यासाठी समुद्रकिनाऱ्यांवर पार्टीमध्ये टेबल बुकिंगसाठी एका माणसामागे साधारण 8000 ते 10,000 रुपये मोजावे लागत होते.

संगीत पार्ट्या वाजवण्यास कसल्याच प्रकारचे परवाने न घेता मावळत्या वर्षाला सुरुवात झालेल्या पार्ट्या नवीन वर्षात पहाटेपर्यंत सुरू होत्या. ठिकठिकाणी पर्यटक किनाऱ्यावर लोळत असल्याचे चित्र दिसून येत होते. यावेळी अनेकजण उघड्यावरच मद्य पित असल्याचे दिसून आले.