Goa: गोव्यातील घोटाळ्यांमध्ये खूप मोठ्या प्रमाणात वाढ झाली आहे. मागील काही महिन्यात गोव्यातील अनेक घोटाळे उघडकीस आले आहेत. यातील एक गोवा दूध डेअरीचा घोटाळाही संगळ्याच्या चर्चेत आला. गोवा दूध डेअरीमध्ये तब्बल 24 लाखांचा घोटाळा (Scam) झाल्याचे उघड झाले आहे.

याप्रकरणी गोवा राज्य सहकारी दुग्ध उत्पादन संघ लि. मधील गैरव्यवहार तसेच घोटाळ्यासंदर्भात दाखल करण्यात आलेल्या चौकशीसाठी सहकार उपनिबंधक ए. एस. महात्मे यांची नियुक्ती करण्यात आली होती. ही चौकशी सहा महिन्यात पूर्ण करून त्याचा अहवाल सादर करण्याचा आदेश सहकार निबंधक अरविंद खुटकर यांनी काढला होता.

यामुळे अनिल फडते यांची गोवा डेअरीच्या एमडी पदावरून हकालपट्टी करण्यात आली. डॉ. पशु संवर्धन खात्याचे संचालक डॉ. आगुस्तीन मिस्किता यांच्याकडे गोवा डेअरीचा अध्यक्षपदाचा ताबा देण्यात आला आहे.