गोव्यातील निवडणुका (Goa Election)अवघ्या दोन महिन्यावर येवून ठेपल्या आहेत. पक्षांतराबरोबरच राष्ट्रीय पक्षांबरोबरच्या युतीलाही उधाण आले आहे. गोव्यात आम्ही स्वबळावर 22 जागा लढविण्याचे आश्वसन देणाऱ्या शिवसेना (Shivsena) पक्षाने कॉंग्रेसकडे (Congress) आज युतीचा प्रस्ताव ठेवला आहे. शिवसेना आणि राष्ट्रवादी (NCP) या दोन्ही पक्षांनी काँग्रेसकडे युतीची मागणी केली आहे. आज गोवा काँग्रेसचे जेष्ठ नेते दिगंबर कामत (Digambar Kamat) दिल्लीतील बैठकीला उपस्थित राहणार आसून अद्याप या प्रस्तावावर निर्णय झालेला नाही. मात्र काही खलबतं होण्याची शक्यताही नाकारता येणार नाही. काँग्रेस हायकमांडने याबाबत अजून अंतिम होकार दिलेला नाही.

देशात पाच राज्यांच्या विधानसभा निवडणुकीचा बिगूल वाजू लागला आहे. यातच आता छोट्याशा गोव्यातही (Goa) राजकीय पक्षांनी आघाडी करत निवडणूकपूर्व आपली ताकद दाखविण्यासाठी तयारी सुरु केली आहे. दरम्यान शिवसेना नेते आणि राज्यसभा खासदार संजय राऊत (Sanjay Raut) यांनी माध्यमांशी बोलताना, 'तृणमुल कॉंग्रेसवर (Trinamool Congress) निशाणा साधला होता. आणि गोव्यातील लोकांची मानसिकता वेगळी आहे. तेव्हा गोव्यात युती करतांना आम्ही शंभरदा विचार करू, त्याचबरोबर गोव्यात पहिल्यांदाच तृणमुल कॉंग्रेस विधानसभा निवडणूक लढवत आहे. त्यांचे आम्ही गोव्यात स्वागत करतो. असे राऊत म्हणाले होते.