National Youth Day : खांडोळा, मुलांनी थोर नेत्यांचे विचार अंगी बाळगावे. स्वामी विवेकानंदांच्या विचारांचे अनुसरून आपल्या जीवनाचे ध्येय ठरवावे, असे प्रतिपादन धाकू मडकईकर यांनी करमळी येथे केले.

श्रीमती सुनंदाबाई बांदोडकर विद्यालयात राष्ट्रीय युवा दिन कार्यक्रमाचे प्रमुख पाहुणे या नात्याने बोलत होते. व्यासपीठावर हरीश चंद्र नाईक सन्मानित पाहुणे म्हणून उपस्थित होते. मुख्याध्यापक सुबोध महाले, शाळेच्या पालक-शिक्षक संघाचे अध्यक्ष उत्तम भोमकर व विठ्ठल गावडे उपस्थित होते.

शाळेच्या चार माजी विद्यार्थ्यांचा ‘युथ आयकॉन ‘म्हणून गौरव करण्यात आला. त्यात रिद्धी गावणेकर, सोहम मुरगावकर, अॅड. विश्वास काणकोणकर व रिदेश मुरगावकर यांचा समावेश आहे.

शाळेच्या मुलांसाठी धाकू मडकईकर यांनी जर्सी, हार्मोनियम व खुर्च्या पुरस्कृत केल्या. त्यांच्या हस्ते जर्सीचे अनावरण करण्यात आले.

स्वागत शिक्षिका रेशीम हळदणकर यांनी केले. आभार प्रदर्शन सौरभ भगत यांनी केले. सूत्रसंचालन प्रतिमा गौड हिने केले.