National Teachers Award 2023: दरवर्षी देण्यात येणाऱ्या राष्ट्रीय शिक्षक पुरस्कारांची घोषणा झाली आहे. देशभरातील 75 शिक्षकांचा या पुरस्काराने यंदा गौरव करण्यात येणार आहे. यामध्ये गोव्यातील एका शिक्षकांचाही समावेश आहे. अविनाश मुरलीधर पारखे असे त्यांचे नाव आहे.

देशाच्या राष्ट्रपती द्रौपदी मुर्मू यांच्या हस्ते या सर्व शिक्षकांना राजधानी दिल्लीत गौरविण्यात येईल. शिक्षक दिनानिमित्त 5 सप्टेंबर रोजी या पुरस्काराचे वितरण होणार आहे.

दरम्यान, मुरलीधर पारखे हे गोव्याची राजधानी पणजीती दिशा (दिशा स्कूल फॉर द स्पेशल चिल्ड्रन) या विशेष मुलांच्या शाळेतील शिक्षक आहेत. तिसवाडी तालुक्यात ही शाळा आहे. त्यांच्या आत्तापर्यंतच्या शैक्षणिक कार्याची दखल घेत त्यांची या पुरस्कारासाठी निवड करण्यात आली आहे.