Narcotic Rain in Mapusa: राज्यातील अवैध ड्रग्ज तस्करी रोखण्यासाठी गोवा गोवा पोलीस आणि अबकारी खाते नेहमीच सतर्क असते. काल (27 ऑगस्ट) म्हापशामध्ये टाकलेल्या छाप्यात पोलिसांनी पश्चिम बंगालच्या एकाला ताब्यात घेतले आहे.

म्हापसा मार्केट यार्ड परिसरात अवैध ड्रग्ज तस्करी सुरू असल्याची टीप पोलिसांना मिळाली होती. यानंतर सापळा रचत पोलिसांनी मार्केट यार्डच्या मागील बाजूच्या गेटजवळ आरोपीला ताब्यात घेतले.

रुबिल हुसैन सरकार (25, पश्चिम बंगाल) असे आरोपीचे नाव असून त्याच्याकडे पोलिसांना 1 किलोचा हिरव्या रंगाचा गांजासदृश्य अमली पदार्थ आढळला. माहितीनुसार याची किंमत आंतरराष्ट्रीय बाजारात अंदाजे, 1,05,000रु असल्याचे सांगण्यात येत आहे.

आरोपीवर गुन्हा दाखल करण्यात आला असून पोलीस संबंधित घटनेचा पुढील तपस करात आहेत.