Narcotic Raid by Colvale Police

अमली पदार्थांच्या तस्करीची माहिती मिळताच कोलवाळ पोलिसांनी सापळा रचत एकाला अटक केले आहे. ही कारवाई काल रात्री करण्यात आली. कोलवाळ पोलिस स्टेशनचे पीआय विजय राणे यांच्या नेतृत्वाखालील पथकाने छापा टाकून आरोपी सुरल सुखानंद फडते (वय 27, कोलवाळ) याला अटक केली आहे.

आरोपीकडून 1,40,000 किमतीचे 12 ग्रॅम एमडीएमए 200 ग्रॅम गांजा जप्त करण्यात आला आहे. त्याला NDPS कायदा 1985 च्या कलम 22(c) आणि 20(b) (i(A) अन्वये ताब्यात घेतण्यात आले असून आरोपी सध्या पोलीस कोठडीत आहे.

एसडीपीओ म्हापसा जीवबा दळवी यांच्या संपूर्ण देखरेखीखाली ही कारवाई करण्यात आली. दरम्यान संबंधित घटनेचा पुढील तपास सुरू आहे.