फोंडा: भारतात दरवर्षी मोठ्या उत्साहास नागपंचमी साजरी केली जाते. कृषिप्रधान भारतात सापाचे वेगळे महत्व आहे. शेतात येणाऱ्या उंदरांना साप अटकाव घालतात. त्यामुळे देशांत सापांचे पूजन करण्याची प्रथा आहे. सापाच्या भीतीने अनेकजण त्याच्यापासून लांबच राहणे पसंद करतात. दरम्यान, फोंडा गोव्यातील एक व्यक्ती लहानपणापासून सापांना रेस्क्यू करण्याचे काम करतायेत.

फोंडा येथील अलीसाहब शेख यांना लहानपणापासून मुक्या जनावरांप्रती आस्था आहे. अलीसाहब यांनी अमृतसिंग यांच्या मार्फत रेस्क्युचे प्रशिक्षण घेतले, तेव्हापासून शेख साप, मगर यासारख्या रानटी आणि धोकादायक प्राण्यांचे रेस्क्यु करतात.

लोकांच्या घरात प्रवेश केलेल्या साप आणि मगरींना पकडून त्यांना सुरक्षित जंगलात सोडण्याचे काम शेख करतात. गेल्या दहा वर्षापासून अलीसाहब शेख फोंडा येथे रेस्क्युअर म्हणून काम करत आहेत.

जंगली जनावर किंवा साप आपल्या घरात शिरला तर त्याला मारु नका. फोंडा वन खात्याला कॉल करा आम्ही वन खात्याच्या अधिकाऱ्याच्या मार्गदर्शनानुसार लगेच त्या ठिकाणी येऊन घरात शिरलेले जंगली जनावर किंवा साप पकडून त्याला सुरक्षित जंगलाच्या आदीवासात सोडून देऊ, असे अलीसाहब शेख यांनी सांगितले.