ओर्डा-कांदोळी येथे अरनॉल्ड सुवारिस (६९) यांचा धारदार शस्त्राने पाठीवर सपासप वार करून खून झाला होता. मात्र, अद्याप पोलिसांना खुनाचे धागेदोरे सापडले नव्हते. कळंगुट पोलिस कांदोळी व परिसरातील सीसीटीव्ही फूटेजच्या सहाय्याने संशयिताचा शोध घेत आहेत.
एका फुटेजमध्ये संशयित दिसतो, मात्र चेहरा नीट दिसत नाही. त्यामुळे तपासाची भिस्त ही सीसीटीव्ही फूटेज तसेच इतर तांत्रिक बाबींवर आहे. अरनॉल्ड सुवारिस हे अविवाहित होते. त्यांचे भाऊ-बहीण हे कॅनडामध्ये असतात. त्यामुळे उतरीय तपासणीसाठी नातेवाईक भारतात परतण्याची प्रतीक्षा पोलिस करत आहेत.
सुवारिस यांच्या घरातून मौल्यवान वस्तू तशाच आहेत. त्यामुळे या खुनामागे इतर दुसरे कारण असू शकते का? या दृष्टीने पोलिसांचा तपास सुरू आहे. एका फुटेजमध्ये एकजण गाडीतून जाताना दिसतो. ही तिच कार आहे, जी संशयिताने सुवारिस यांच्या घरासमोरून नेली होती. मात्र त्यादिवशी पाऊस पडत असल्याने गाडीतील चेहरा धूसर दिसतो.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.