Mumbai Goa Vande Bharat Train: मुंबई गोवा वंदे भारत सेमी हायस्पीड ट्रेनचे होणारे उद्घाटन पुढे ढकलण्यात आले आहे. हावडाहून चेन्नईला जाणाऱ्या कोरोमंडल एक्सप्रेसला शुक्रवारी संध्याकाळी मोठा अपघात झाला. यामध्ये सुमारे 30 जणांचा मृत्यू झाल्याची शक्यता वर्तवण्यात आली असून, तर सुमारे 300 प्रवाशी गंभीर जखमी झाल्याची माहिती समोर आली आहे. त्यामुळे शनिवारी मडगाव येथे होणाऱ्या वंदे भारत सेमी हायस्पीड ट्रेनचे उद्घाटन पुढे ढकलण्यात आले आहे.

(Mumbai Goa Vande Bharat Train Inauguration postponed)

मुंबई गोवा वंदे भारत सेमी हायस्पीड ट्रेनचे उद्घाटन शनिवारी (दि.02 जून) पंतप्रधान नरेंद्र मोदी आभासी पद्धतीने करणार होते. मडगाव येथून सुटणाऱ्या या ट्रेनला मोदी ऑनलाईन पद्धतीने सकाळी 09.30 वा हिरवा झेंडा दाखवणार होते.

दरम्यान, हावडाहून चेन्नईला जाणाऱ्या कोरोमंडल एक्सप्रेसला शुक्रवारी संध्याकाळी मोठा अपघात झाला. या अपघातात सुमारे 30 जणांचा मृत्यू झाल्याची शक्यता वर्तवण्यात आली आहे. तर 300 प्रवाशी गंभीर जखमी आहेत. अशी माहिती समोर आली असून, मृतांचा आकडा वाढण्याची शक्यता आहे.

या डब्यांमध्ये मोठ्या प्रमाणात प्रवासी अडकल्याची माहिती मिळाली आहे, ज्यांना वाचवण्यासाठी स्थानिक लोक एकवटले आहेत. ही ट्रेन चेन्नई सेंट्रल ते कोलकात्याच्या शालीमार रेल्वे स्थानकापर्यंत धावते.

ओडिशातील बालासोरजवळ शुक्रवारी संध्याकाळी कोरोमंडल एक्स्प्रेसची मालगाडीला धडक बसली. ही धडक इतकी भीषण होती की ट्रेनचे 18 डबे रुळावरून घसरले.