फातोर्डा: मडगाव पोलिस स्थानकाच्या हद्दीत नावेली येथील परिसरात अपघातात जखमी होऊन नंतर मृत होण्याची घटना घडली. त्‍याचे नाव फ्रान्सिस्को फेर्राव (६४) असे असून तो व्यवसायाने मोटरसायकल पायलट होता.

याप्रकरणी मडगाव (Margao) पोलिसांना दक्षिण जिल्हा रुग्णालयाच्या विभागाकडून सूचना प्राप्त झाली, ज्यामध्ये असे दिसून येते की फेर्राव यांना नावेली येथील प्राथमिक आरोग्य केंद्रातून १०८ आपत्कालीन सेवेच्या रुग्णवाहिकेतून आणले होते.

४ ऑक्टोबर रोजी फेर्राव याला मोटरसायकल चालवत असताना अपघात झाला होता. या घटनेनंतर त्याला प्राथमिक उपचारासाठी नावेली येथील आरोग्‍य केंद्रात नेले. नंतर त्याला दक्षिण गोवा जिल्हा रुग्णालयात हलवण्यात आले, तेथे मृत घोषित केले.