Ramdev Baba In Goa: योगगुरू रामदेव बाबा तीन दिवसीय योगा शिबिरानिमित्त गोव्यात आहेत. पणजीतील मिरामार बीच येथे 18 फेब्रुवारीपासून योगा शिबीर सुरू आहे. रामदेव बाबांनी रविवारी छत्रपती शिवाजी महाराज यांच्या जयंतीनिमित्त विविध कार्यक्रमात देखील सहभाग घेतला.

गोव्याची 'भोग' नव्हे तर 'योग' भूमी म्हणून ओळख व्हावी असेही वक्तव्य रामदेव बाबांनी येथे केले.

रविवारी पणजी येथे गोव्याचे मुख्यमंत्री प्रमोद सावंत आणि केंद्रीय मंत्री श्रीपाद नाईक यांच्या उपस्थितीत रामदेव बाबांचे सहाय्यक आचार्य बाळकृष्ण यांचा सत्कार करण्यात आला. यावेळी बाबांनी कार्यक्रमाला संबोधित केले.

"मी हरिद्वारहून तीन दिवसांसाठी येथे आलो आहे. अब्जाधीश अदानी, अंबानी, टाटा, बिर्ला यांच्यापेक्षा माझ्या वेळेचे मूल्य अधिक आहे. कॉर्पोरेट्स लोक त्यांचा 99 टक्के वेळ स्वत:च्या स्वार्थासाठी घालवतात, तर द्रष्टे लोक सामान्यांच्या हितासाठी वेळ घालवतात." असे रामदेव बाबा यावेळी म्हणाले.

यावेळी रामदेव यांनी त्यांचे सहकारी बाळकृष्ण यांचे कौतुक केले. "बाळकृष्ण यांनी व्यावसायिक प्रशासन, पारदर्शक व्यवस्थापन याच्या मदतीने पंतजलीचे पुनरुज्जीवन केले. कंपनीने या आर्थिक वर्षात ₹40,000 कोटींची उलाढाल केलीय.

पतंजलीसारख्या कंपन्या निर्माण करून भारताला “परम वैभवशाली” बनवण्याचे स्वप्न साकार होऊ शकते." असेही रामदेव म्हणाले.

कोविड -19 साथीच्या आजारानंतर देशात कर्करोगाच्या रुग्णांमध्ये वाढ होत असल्याचा दावा केला जात आहे. पण, वैद्यकीय तज्ञांच्या मते कोरोनाचा याच्याशी काही संबंध नाही.

कर्करोगाच्या रुग्णांमध्ये दरवर्षी पाच टक्क्यांनी वाढ होत आहे आणि त्याचा साथीच्या आजाराशी काहीही संबंध नाही, असे एका प्रसिद्ध कर्करोगतज्ज्ञ म्हणाले.

गोव्यातील मिरामार समुद्रकिनाऱ्यावर त्यांच्या पतंजली योग समितीने योग शिबिराचे आयोजन केले आहे. आज या शिबिराचा शेवटचा दिवस आहे.