राज्यातील रस्ते अपघात कमी करण्यासाठी रस्त्यांची पाहणी करून उपाययोजना सुचवण्यासाठी राज्यात तज्ज्ञाला पाठवावे, अशी मागणी वाहतूकमंत्री माविन गुदिन्हो यांनी आज केंद्रीय रस्ते वाहतूकमंत्री नितीन गडकरी (Nitin Gadkari) यांच्याकडे केली.

दिल्लीत गडकरी यांचा केंद्रीय मंत्रिमंडळात पुन्हा समावेश झाल्याबद्दल त्यांचे अभिनंदन करण्याच्या निमित्ताने गुदिन्हो यांनी त्यांची भेट घेतली.

गुदिन्हो यांनी दिलेल्या माहितीनुसार, रस्ते अपघातात अनेकजण मृत्युमुखी पडण्याचे प्रकार गंभीर आहेत. ही बाब गडकरी यांच्या निदर्शनास आणून दिली. भौगोलिक क्षेत्रफळाच्या तुलनेत होणारे अपघात जास्त आहेत. तज्ज्ञाने पाहणी करावी, शिवाय निधी द्यावा, अशी अपेक्षा व्यक्त केली आहे.