मुंबई उच्च न्यायालयाच्या आदेशानुसार पर्यटन खात्याने मोबोर किनाऱ्यावर उभारलेला क्यू काऊंटर (रांग काउंटर) काल जलक्रीडा चालकांनी बंद पाडला. हा काऊंटर उघडताना आम्हाला तसेच पंचायतीला विश्वासात घेतलेले नाही, असा दावा त्या चालकांनी केला.

दरम्यान, हा काऊंटर मुंबई उच्च न्यायालयाच्या आदेशाने उघडला होता, स्थानकांनी तो बंद पाडल्याने आता त्याचा अहवाल न्यायालयाला सादर केला जाईल, असे पर्यटन खात्याचे उपसंचालक प्रदीप तेली यांनी सांगितले.

मोबोर किनारी जलक्रीडा चालक रांग पद्धत पाळत नाहीत, असा दावा करून एकाने याचिका दाखल केली होती. त्यानंतर न्यायालयाने काऊंटरचा आदेश दिला होता.

आमदार व्हिएगस यांचा पाठिंबा

या जलक्रीडा चालकांना आमदार वेंझी व्हीएगस यांनी पाठिंबा देऊन ही पद्धत सुरू करण्यापूर्वी स्थानिक चालकांना विश्वासात घ्यावे, अशी मागणी करून पर्यटन मंत्री रोहन खंवटे यांच्याशी बोलून तोडगा काढू, असे सांगितले. ओडलीचे सरपंच डिक्सन वाझ यांनी चालकांना पाठिंबा दिला.