गोवा विधानसभा (Goa Assembly) निवडणुकीच्या पार्श्वभूमीवर आप पक्षाने (Aap party) विविध प्रकारचे फंडे वापरण्यास सुरुवात केली आहे. याचाच भाग म्हणून आप च्या वतीने काँग्रेस (Congress) मधून भाजपमध्ये (BJP) पक्षांतर केलेल्या आमदारांना त्यांच्या कृतीच्या वर्धापन दिनानिमित्त काँग्रेस जनता पार्टी या नावाचा केक पाठविण्याची घोषणा केली आहे. या केक अनावरण करताना आप पक्षाच्या नेत्या अतिषी यांच्या हस्ते करण्यात आले.

गोवा विधानसभा निवडणुकीच्या पार्श्वभूमीवर आप ने आपली प्रचार यंत्रणा अधिक गतीमान करण्यावर भर दिला आहे. याबरोबरच विविध पक्षातून आपमध्ये दाखल होणाऱ्या कार्यकर्त्यांचे स्वागत केले जात आहे. हे करताना सत्ताधारी भाजप विविध विकास कामांमध्ये कसा मागे पडला आहे ? हे सांगत काँग्रेसला मतदान हे भाजपला मतदान असल्याचे सांगत भाजपा आणि काँग्रेस या दोन्ही राष्ट्रीय पक्षांना मतदारांनी दूर ठेवण्याचं आवाहन केलं जात आहे. काँग्रेसला केलेले मतदान हे भारतीय जनता पार्टी कडे जात असून काँग्रेस हे विकाऊ आणि भाजप हे खरेदीदार असल्याचा पुनरुच्चार आप पक्षनेत्या अतिशी यांनी पणजीत जवळच्या इंटरनॅशनल सेंटरमध्ये केला आहे. यावेळी काँग्रेस मधून पेडणे येथील विकेश असोटीकर यांनी तर कुठ्ठाळी येथून ज्युईल फर्नांडिस यांनी आप मध्ये प्रवेश केला. त्यांचे अतिशी कडून स्वागत करण्यात आले. यावेळी 20 मतदारसंघातील इनचार्ज यांची यादी जाहीर करण्यात आली. याच कार्यक्रमांमध्ये दोन वर्षापूर्वी काँग्रेस मधून भाजपमध्ये दाखल झालेल्या दहा आमदारांच्या पक्षांतरावर कडाडून टीका करत अतिशी यांनी या कृतीच्या वर्धापन दिनानिमित्त या आमदारांना काँग्रेस जनता पार्टी नावाचा केक पाठवण्याची घोषणा केली.

दरम्यान, गोव्यात काँग्रेस आणि भाजपा एकच पार्टी आहे. गोव्यातील काँग्रेसचे नेते भाजपात जाऊन घाण राजकारण खेळत आहे. या सगळ्या राजकारणाला गोव्यातील जनता कंटाळली आहे. त्यामुळे गोव्यातील जनतेला बदल हवा आहे. त्यासाठी आम आदमी पार्टी गोव्यात आपले जाळे फैलावत आहे. असे आम आदमी पक्षाच्या राष्ट्रीय प्रवक्ता आतिषी मारलेना यांनी सांगितले.