Karnataka Elections कर्नाटकात होत असलेल्या विधानसभा निवडणुकीसाठी भाजपचे आमदार उल्हास तुयेकर यांच्याकडे भटकळ मतदारसंघात निवडणूक निरीक्षक म्हणून जबाबदारी दिली आहे.

आज भाजपचे उमेदवार सुनील बी. नाईक यांनी पाच हजार कार्यकर्त्यांच्या उपस्थितीत निर्वाचन अधिकाऱ्यांकडे आपला उमेदवारी अर्ज सादर केला.

यावेळी भाजपचे निरीक्षक उल्हास तुयेकर, जिल्हा सदस्य परेश नाईक व गोवा टीमचे इतर सदस्य उपस्थित होते.

भटकळ मतदारसंघात सुनील बी. नाईक हे एकवेळा आमदार म्हणून निवडून आलेले आहेत. यंदा ते दुसऱ्यांदा कर्नाटकात विधानसभा निवडणूक लढवित आहेत. आपण पक्षाचे निवडणूक निरीक्षक म्हणून गेले दोन दिवस भटकळ मतदारसंघात होतो.

आपण विधानसभा निवडणुकीबाबत सुनील नाईक यांच्याशी सखोल चर्चा केली आहे. तसेच कार्यकर्त्यांकडून निवडणुकीचा आढावा घेतलेला आहे.

या मतदारसंघात भाजपला अनुकूल वातावरण आहे. पंतप्रधान नरेंद्र मोदी यांच्या नेतृत्वाखालील भाजप सरकारने देशभरात केलेला बहुमूल्य विकास जनतेच्या नजरेसमोर आहे. त्यामुळे कर्नाटकात भाजपला लोकांकडून वाढता पाठिंबा मिळत असल्याचे तुयेकर यांनी सांगितले.