डिचोली - पुराचा तडाखा बसलेल्या कारापूर पंचायत क्षेत्रातील बंदिरवाडा-विठ्ठलापूर (Bandirwada) येथील मैदानाची साफसफाई आणि दुरुस्ती करण्यात आली आहे. मयेचे (Maye) आमदार प्रवीण झांट्ये (Pravin Zantye) यांनी पूरग्रस्त भागाला भेट देवून दुरुस्ती कामाची पाहणी केली. यावेळी त्यांच्यासमवेत उत्तर गोवा जिल्हा पंचायतीची माजी अध्यक्ष अंकिता न्हावेलकर, कारापूरची पंच सुषमा सावंत, पूजा तारी, केशव जोगळेकर, अजय मातोणकर, कपिल मेणकूरकर आदी भाजप कार्यकर्ते उपस्थित होते. (MLA Pravin Zantye inspects repair of flooded Bandirwada ground)

मागील आठवड्यात झालेल्या पावसाच्या अतिवृष्टीवेळी वाळवंटी नदीचे पाणी बाहेर फुटून नदीकाठच्या काजीवाडा-विठ्ठलापूर भागाला पुराचा तडाखा बसला होता. काही घरांनी पाणी घुसून अन्नधान्य आदी सामानाची नाशाडी झाली. बंदिरवाडा येथील मैदानाचीही दूरवस्था झाली होती.