पुढील वर्षापासून सत्तरीत गजलक्ष्मी - म्हादई कार्यक्रम आयोजित करण्यात येणार आहे. अभिनेत्री हेमा मालिनी यांच्या परफॉर्मन्सने या कार्यक्रमाची सुरुवात होणार आहे. या कार्यक्रमाचे स्वरुप सत्तरीतील 70 गावकारांशी चर्चा करुन ठरणार आहे अशी माहिती आरोग्यमंत्री विश्वजीत राणे यांनी दिली.

पर्ये येथे भाजपच्या लाभार्थी संमेलनात ते बोलत होते. यावेळी मोठ्या संख्येने लोक उपस्थित होते. व्यासपीठावर प्रदेशाध्यक्ष सदानंद तानावडे, आमदार दिव्या राणे आदी उपस्थित होते.

"सत्तरी ऐतिहासीक मतदार संघ आहे. गजलक्ष्मी आणि म्हादईचे एक वेगळे नाते आहे. गजलक्ष्मीचा उत्सव आणि म्हादईचे नाते जुळवून आणून दरवर्षी मान्सून फेस्टिव्हल सत्तरीतील 70 गावकारांशी चर्चा करुन आयोजित केला जाईल. अभिनेत्री हेमा मालिनी यांच्या परफॉर्मन्सने या कार्यक्रमाची सुरुवात होणार आहे" असे मंत्री राणे म्हणाले.