फोंडा परिसरात चोरीच्या घटना वाढल्या आहेत. विशेषत: रात्रीच्या चोरीच्या घटनेत अलिकडे वाढ झाल्याचे दिसून येते. यापार्श्वभूमीवर क्रिडा आणि कला व सांस्कृतिक मंत्री गोविंद गावडे यांनी फोंडा पोलिसांना परिसरात रात्र गस्त वाढविण्याबाबत सुचना केली आहे.

याबाबत मंत्री गोविंद गावडे यांनी ट्विट करत माहिती दिली आहे. फोंडाचे पोलिस निरीक्षक आणि गोव्याचे पोलिस उपाअधिक्षक यांच्याशी फोंड्यात वाढत्या चोरीच्या घटनांबाबत चर्चा झाली. मी त्यांना फोंडा परिसरात रात्रीची गस्त वाढविण्याबाबत सूनचा केली आहे. तसेच, चोरीच्या घटनांचा सखोल तपास करण्याबाबत सूचना केली आहे. असे ट्विट गोविंद गावडे यांनी केले आहे.

दरम्यान, कुर्टी, फोंडा येथे सोनसाळखी हिसकावल्याची एक घटना आज समोर आली. दुचाकीवरून आलेल्या चोरट्यांनी महिलेच्या गळ्यातील सोनसाखळी हिसकावली व घटनास्थळावरून पळ काढला.