Goa Mega Job Fair: गोव्यात 8 नोव्हेंबर रोजी मेगा जॉब फेयरचे (Goa Mega Job Fair) आयोजन करण्यात आले आहे. राज्याचे कामगार आणि रोजगार मंत्री बाबुश मोन्सेरात (Babush Monserrate) यांनी ही माहिती दिली.

मंत्री बाबुश मोन्सेरात यांचा याबाबतचा व्हिडिओ गोव्याच्या माहिती आणि प्रसिद्धी विभागाने ट्विट केला आहे. त्यामध्ये मंत्री मोन्सेरात यांनी म्हटले आहे की, राज्याच्या कामगार आणि रोजगार मंत्रालयाने या मेगा जॉब फेयरचे आयोजन केले आहे. नोकरी देणारे आणि नोकरी हवी असलेले यांना एकाच व्यासपीठवर आणण्याचा हा आमचा प्रयत्न आहे. देशभरासह परदेशातीलह विविध क्षेत्रातील रोजगार संधींचा खजिना येथे उपलब्ध होणार आहे. सर्व इच्छुकांना या मेगा जॉब फेयरचा लाभ घ्यावा.

ताळगाव येथील डॉ. श्यामाप्रसाद मुखर्जी इनडोअर स्टेडियममध्ये 8 नोव्हेंबर रोजी सकाळी 9 ते सायंकाळी 5 या वेळेत हा जॉब फेयर होईल. या जॉब फेयरमध्ये नोंदणीसाठी goajobfair.in या संकेतस्थळावर नोंदणी करण्याचे आवाहन मंत्री मोन्सेरात यांनी केले आहे.