डिचोली : उत्तर गोवा जिल्हा पंचायत निधीतून मये पंचायत क्षेत्रात तीन विकासकामे करण्यात येणार आहेत. रविवारी आमदार प्रेमेंद शेट यांच्या हस्ते या कामांचा शुभारंभ करण्यात आला. यावेळी जिल्हा पंचायत सदस्य शंकर चोडणकर, सरपंच सुवर्णा चोडणकर, पंच विद्यानंद कारबोटकर, भाजप मंडळाचे अध्यक्ष दयानंद कारबोटकर, सचिव विश्वास चोडणकर आणि अन्य उपस्थित होते.

जिल्हा पंचायत निधीतून आवश्यक ती कामे मार्गी लावण्यासाठी सरकार दरबारी आपण प्रयत्नशील आहे असून याकामी शंकर चोडणकर आग्रही असतात, असे आमदार शेट यांनी सांगितले. स्थानिक आमदार आणि सरकारच्या सहकार्याने जिल्हा पंचायत निधीतून विकासकामे मंजूर झाल्याचे चोडणकर यांनी सांगून आमदार आणि सरकारला धन्यवाद दिले.

या कामांना प्रारंभ : जिल्हा पंचायत निधीतून कुंभारवाडा येथील सरकारी प्राथमिक शाळेचे सुशोभिकरण करण्यात येणार आहे. गाळवान येथील मैदानावर क्रिकेट पीच तयार करण्यात येणार आहे. तर देवूस-भटवाडी येथील श्री घाडवंस देवस्थानसाठी प्रवेशद्वार बांधण्यात येणार आहे.