पणजी: पणजी शहरात भरणारा माटोळी बाजार सोमवारपासून सुरू होणार आहे. गणेश चतुर्थी 31 रोजी असल्याने दोन दिवस अगोदर हा माटोळी बाजार भरविला जाणार असल्याची माहिती पणजी महापालिका बाजार समितीचे अध्यक्ष बेंटो बार्रेटो यांनी दिली.

(Matoli Bazaar in Panaji from tomorrow)

धेंपो हाऊसजवळील वाहनतळाची जागा या माटोळी बाजारासाठी निश्‍चित केली असून, शनिवारी दुकानांची आखणी केली आहे. रविवारपासून विक्रेते माटोळी साहित्य आणण्यास सुरुवात करतील. त्यासाठी महापालिकेने या ठिकाणाची साफसफाई केली आहे. या बाजारात कुंभारजुवे, सांताक्रूझ, दिवाडी, खोर्ली, आगशी येथील स्थानिक विक्रेते माटोळीचे साहित्य घेऊन येतात.