वास्को: वास्को जायंट्स ग्रुपने मुरगाव बंदर प्राधिकरण व दीपविहार उच्च माध्यमिक विद्यालयाच्या सहकार्याने सडा भागात स्वच्छ सागर, सुरक्षित सागर संबंधी जागृती निर्माण करण्यासाठी फेरी काढली.

(Maritime Environmental Awareness Rally Organized at Vasco)

या कार्यक्रमास वास्को जायंट्स ग्रुपचे अध्यक्ष व नगरसेवक दामोदर नाईक, तसेच राष्ट्रीय ध्रुवीय व महासागर संशोधन केंद्रचे शास्त्रज्ञ सामी यांनी या फेरीला झेंडा दाखविला. या फेरीमध्ये दीप विहार उच्च माध्यमिक विद्यालयाचे शिक्षक वर्ग, जायंट्स ग्रुपचे पदाधिकारी व सदस्य सहभागी झाले होते. किनारा स्वच्छ ठेवा, सागरी जीवन व संपत्ती नष्ट करू नका, सागराला कचराकुंडी बनवू नका असे आवाहन करण्यात आले.