सासष्टी: ज्या लॉकरधारकांनी लॉकर बॅंकेच्या स्वाधीन केलेले नाहीत, त्यांनी आठ दिवसांच्या आत ते स्वाधीन करावे व आपल्या मौल्यवान वस्तू घेऊन जाव्यात, अशी अंतिम सूचना मडगाव अर्बन सहकारी बॅंकेने केली आहे. आठ दिवसांनंतर हे लॉकर फोडले जातील व त्याला बॅंक जबाबदार राहणार नाही.

बॅंकेची अवसायनाची प्रक्रिया सुरळीत करण्यासाठी पावले उचलली जातील, असे सरकार नियुक्त लिक्विडेटर एस. व्ही. नाईक यांनी सांगितले. गत साली 31 ऑगस्ट रोजी बॅंकेने सर्व लॉकरधारकांना नोटीसा पाठवून 30 सप्टेंबर 2021पर्यंत लॉकर स्वाधीन करण्याची सूचना दिली होती. बॅंकेचे एकूण 810 लॉकर आहेत. त्यातील सुमारे 250 लॉकरधारकांनी अजून लॉकर स्वाधीन केले नसल्याचे अधिकारी किशोर आमोणकर यांनी सांगितले.