Mapusa Municipal Council: सध्याच्या म्हापसा पालिका इमारतीच्या शेजारीच येत असलेल्या पालिका प्रशासकीय प्रकल्पाला काही तांत्रिक अडचणींमुळे विलंब झाला आहे. परिणामी, प्रकल्पाच्या कामाची गती मंदावल्याने हे बांधकाम पूर्ण होण्याचा कालावधी चुकण्याची शक्यता आहे.

प्राप्त माहितीनुसार, प्रशासकीय प्रकल्पाची पायाभरणी डिसेंबर 2021मध्ये म्हापशाचे आमदार जोशुआ डिसोझा व तत्कालीन नगराध्यक्षा शुभांगी वायंगणकर यांच्या हस्ते झाली होती. याचा खर्च 2.97 कोटी रुपये इतका आहे. म्हापसा पालिकेसाठी हा प्रकल्प महत्त्वाचा आहे. कारण, सध्याच्या इमारतीत जागा कमी आहे. आणि तीन मजली या इमारतीत बैठक, हॉटेलचीही कमतरता आहे.

या नवीन प्रशासकीय प्रकल्पाच्या पहिल्या मजल्यावर दुकाने आणि कार्यालये असतील. जी महसूल मिळवण्यासाठी भाड्याने दिली जातील. दुसऱ्या मजल्यावर एक कम्युनिटी हॉल असेल. ज्याचा वापर पालिका मंडळाच्या बैठका घेण्यासाठी केला जाईल. कारण, सध्याच्या इमारतीमधील सभागृह तुलनेने लहान असल्याने मंडळाच्या बैठकीत गर्दी उसळते.