कळंगुट : मुंबईस्थित वाजीद मन्सुरी या तरुणाने फिल्मसिटीत प्रमुख अभिनेत्रीचे काम देतो असे सांगत आपल्यावर बळजबरी केल्याची रितसर तक्रार, एका व्यवसायिक मॉडेलकडून म्हापसा पोलिसांत दाखल करण्यात आली आहे. तक्रारीत नमुद केल्याप्रमाणे संशयित साजीद मन्सुरी यांनी त्या व्यवसायिक मॉडेलशी जवळीक साधत सोमवारी सकाळी तिला म्हापसा येथील आपल्या फ्लॅटवर घेऊन गेला.

यावेळी शारिरीक संबंधास नकार दिल्याने आपल्याला मन्सुरी यांनी मारहाण करत पर्समधील चाळीस हजार रुपये लंपास केल्याचेही तक्रारीत म्हटले आहे. दरम्यान,तक्रारीची दखल घेत म्हापसा (Mapusa) पोलिसांनी (police) तात्काळ कारवाई (Action) करीत संशयित मन्सुरी यांच्या मुसक्या आवळल्या आहेत. संशयिताविरोधात भारतीय दंड संहितेच्या 342,323,तसेच 376 कलमाखाली गुन्हा नोंदवून घेतला असून म्हापसा पोलिस पुढील तपास करत आहेत.