डिचोली : जमीन हडप केल्याप्रकरणी केवळ विक्रांत शेट्टीच नव्हे, आणखी काहीजण एसआयटीच्या (विशेष तपास पथक) रडारवर आहेत. त्यांनाही अटक होणार आहे. बेकायदेशीरपणे जमीन हडप करण्याच्या कृत्यात गुंतलेल्यांची सरकार अजिबात गय करणार नाही, असे मुख्यमंत्री डॉ. प्रमोद सावंत यांनी स्पष्ट केले आहे.

आज (सोमवारी) सकाळी एका कार्यक्रमानिमित्त मुख्यमंत्री डिचोलीत आले होते. त्यावेळी जमीन हडप प्रकरणाच्या चौकशीसंबंधी पत्रकारांनी उपस्थित केलेल्या प्रश्नाला उत्तर देताना मुख्यमंत्र्यांनी जमीन बळकावल्या प्रकरणाची विशेष तपास पथकाकडून योग्य दिशेने तपासकाम सुरू असल्याची माहिती दिली. आपणही स्वतः या तपासकामावर लक्ष देऊन आहे, असेही मुख्यमंत्र्यांनी स्पष्ट केले.