वास्को: श्री गौरीशंकर कला सांस्कृतिक मंडळाची वार्षिक सभा संस्थेचे संस्थापक कै. जयवंत रा. हळर्णकर यांच्या निवासस्थानी नवेवाडे, वास्को येथे नुकतीच पार पडली. संस्थेतर्फे 29 वा महाशिवरात्री उत्सव मंगळवार दि.1 मार्च रोजी होणार असून उत्सवाचे यजमानपद रिमा व नितीन मोचेमाडकर या दाम्पत्याला देण्यात आले.

महाशिवरात्रीनिमित्त सकाळ पासून धार्मिक विधी. दुपारी वैभवी सेल्फ हेल्प ग्रुप नवेवाडे, वास्को या महिला कलाकारांतर्फे घुमट महाआरती होईल.

दुपारी 3 ते 5 वाजे पर्यंत महिलांसठी हळदीकुंकू व विविध रंगारंग कार्यक्रम. सायंकाळी 5 वाजल्या पासून श्री गजानन महिला भजनी मंडळ, मांगोरहिल व ॐ राष्ट्रोळी सेल्फ हेल्प ग्रूप, नवेवाडे या महिला कलाकारांचा भजनाचा कार्यक्रम.

रात्री 7.30 वाजता सप्तसूर ह्या संगीत नृत्य-नाटक-कला व सांस्कृतिक संस्थेच्या बाल व महिला कलाकारांचा जय जय शिव शंकरा हा अभंग व भक्तीगीतांचा कार्यक्रम व रात्री 9.30 वाजता स्थानिक जेष्ठ भजनी कलाकारांचे भजन होणार आहे. सभेच्या सुरुवातीला दिगंवत संस्थापक व माजी अध्यक्ष कै. जयवंत रा.हळर्णकर यांना श्रद्धांजली वाहण्यात आली. विजय हळर्णकर यांनी प्रास्ताविक केले.