Rewa - Margao - Rewa Special Train Time Table, Booking, Schedule

पश्चिम मध्य रेल्वेने (PMR) मध्य प्रदेशातील रीवा ते गोव्यातील मडगाव स्थानकादरम्यान विशेष साप्ताहिक ट्रेन सुरु करण्याचा निर्णय घेतला आहे. तसेच, जबलपूरहून तीन विशेष गाड्या सोडण्यात येणार आहेत. रीवा-मडगाव-रीवा दरम्यान धावणारी साप्ताहिक विशेष ट्रेन प्रत्येकी दोन फेऱ्या करेल, अशी माहिती भोपाळ रेल्वे विभागाच्या प्रवक्त्यानी दिलीय.

रीवा-मडगाव विशेष ट्रेन (Rewa - Margao - Rewa Special Train)

रीवा-मडगाव ट्रेन क्रमांक 01703

मिळालेल्या माहितीनुसार, ट्रेन क्रमांक 01703 रीवा-मडगाव विशेष ट्रेन 22 डिसेंबर आणि 29 डिसेंबर (रविवार) रोजी दुपारी 12:00 वाजता रीवा येथून सुटेल आणि त्यानंतर दुसऱ्या दिवशी सोमवारी रात्री 09:25 वाजता मडगाव स्थानकात पोहोचेल.

मडगाव-रीवा ट्रेन क्रमांक 01704

तसेच ट्रेन क्रमांक 01704 मडगाव-रीवा विशेष गाडी मडगावहून 23 डिसेंबर आणि 30 डिसेंबर (सोमवार) रोजी रात्री 10:25 वाजता सुटेल आणि दुसऱ्या दिवशी हरदा, इटारसी येथून तिसऱ्या दिवशी म्हणजेच बुधवारी सकाळी 8:20 वाजता रीवा स्थानकावर पोहोचेल.

या स्थानकांवर थांबेल ट्रेन (Halts / Stops)

ट्रेन सतना, मैहर, कटनी, जबलपूर, नरसिंगपूर, पिपरिया, इटारसी, हरदा, खांडवा, भुसावळ, जळगाव, मनमाड, नाशिक रोड, कल्याण जंक्शन, पनवेल, रोहा, चिपळूण, रत्नागिरी, कणकवली, कुडाळ, सावंतवाडी, थिवी आणि करमळी स्थानकांवर थांबेल.

डबे (Coach)

या ट्रेनला एकूण 24 डबे असतील, ज्यामध्ये १ वातानुकूलित प्रथम श्रेणी (फर्स्ट एसी), 1 वातानुकूलित द्वितीय श्रेणी (सेकंड एसी), 5 वातानुकूलित तृतीय श्रेणी (थर्ड एसी), 11 स्लीपर कोच (स्लीपर), 4 सामान्य वर्ग आणि 2 SLRD यांचा समावेश आहे.

जबलपूर ते कोईम्बतूर स्पेशल ट्रेन (Jabalpur To Coimbatore Special Train)

ही ट्रेन 3 जानेवारीपासून पुढील सूचना मिळेपर्यंत दर शुक्रवारी रात्री 11 वाजून 50 मिनिटांनी जबलपूरहून सुटेल आणि रविवारी दुपारी 2 वाजून 40 मिनिटांनी कोईम्बतूरला पोहोचेल.

तसेच कोईम्बतूर-जबलपूर (Train No 02197) ही ट्रेन 6 जानेवारीपासून दर सोमवारी रात्री 07.05 वाजता कोईम्बतूरहून सुटेल आणि बुधवारी सकाळी 8.45 वाजता जबलपूरला पोहोचेल.

ही ट्रेन जबलपूर, नरसिंगपूर, गादरवारा, पिपरिया, इटारसी, हरदा, खंडवा, भुसावळ, रत्नागिरी, मडगाव, मंगळुरु आणि कोईम्बतूर या स्थानकांवर थांबेल.