Fight between local and tourist group

आज पहाटे 3 वाजता कळंगुट बागा रोडवर स्थानिक आणि पर्यटक यांच्यात मारामारी झाल्याची घटना समोर आली आहे. या वादामध्ये स्थानिक टॅक्सीचालक जखमी झाल्याचे सांगण्यात येत आहे.

उपलब्ध माहितीनुसार, पर्यटकांचा एक गट किनारी भागात वावरत असताना, काही युवकांनी पर्यटकांच्या ग्रुपमधील मुलींवर शेरेबाजी केली. हे युवक फोंड्यातील असल्याचे कळते. यावेळी पर्यटक आणि त्या युवकांमध्ये बाचाबाची झाली. या वादाचे रूपांतर नंतर हाणामारीत झाले.

सुरू असलेला वाद पाहून तिथेच असलेल्या एका स्थानिक टॅक्सीचालकाने यामध्ये मद्यस्थी केली. तो वाद मिटवायचा प्रयत्न करत होता. मात्र यामध्ये त्यालाच मारहाण झाली. त्याच्या डोक्याला दुखापत झाल्याचे सांगण्यात येत आहे. यानंतर मात्र पर्यटक मुलींची छेड काढणाऱ्या युवकांनी मात्र तिथून पळ काढला. दरम्यान, पोलीस अधिक तपास करत आहेत.