मडगाव येथील कोकण रेल्वे स्थानकावर बेकायदेशीर मद्यसाठा बाळगल्याप्रकरणी रेल्वे सुरक्षा दलाच्या पथकाने दोन वेगवेगळ्या घटनांत दोघांना अटक करून त्यांच्याकडील दारूसाठा जप्त केला.

पहिल्या घटनेत सुजित यादव (वय 38 वर्षे, रा. नाशिक) असे संशयिताचे नाव आहे. रेल्वे स्थानकावरील प्लॅटफॉर्म क्रमांक एकवर यादव हा संशयास्पदरित्या पिशव्या घेऊन फिरत असता, रेल्वे सुरक्षा दलाच्या कर्मचाऱ्यांनी त्याला हटकले. त्यावेळी त्याच्या पिशव्यांची तपासणी केली असता, त्याच्याकडे 9,058 रुपयांचा दारूच्या बाटल्या आढळून आल्या.

अन्य एका प्रकरणात एकाला दारू बाळगल्याप्रकरणी अटक करून 2,600 रुपयांचा मद्यसाठा पोलिसांनी जप्त केला. सध्या रेल्वेमार्गे गोवा बनावटीच्या दारूची तस्करी करण्याचे प्रकार वाढले असून सरकारने या प्रकारांना आळा बसण्यासाठी कठोर उपाययोजना कराव्यात अशी मागणी केली जात आहे.