Vishwajeet Rane: राज्यातील समृद्ध वन्यजीव आणि संरक्षित क्षेत्रांच्या संरक्षण आणि संवर्धनाबरोबर आता पर्यटकांना आनंद घेता येणार आहे. तशी घोषणा वनमंत्री विश्वजीत राणे यांनी केली आहे. यासाठी 'इको टुरिझम' प्रकल्प कार्यान्वित करण्यात येत आहेत.

मंत्री राणे यांनी दिलेल्या माहितीनुसार राज्यात सह्याद्री रेंजमध्ये अद्वितीय आणि समृद्ध वने आहेत. यात विविध अभयारण्य राष्ट्रीय उद्यान उद्यानांचा समावेश आहे. सरकारच्या वनविभागाने वन विकास महामंडळाच्या सहकार्याने ''इको टुरिझम'' ला प्रोत्साहन देण्याचे जाहीर केले असून यासाठी संरक्षित जंगलांमध्ये वनखात्याच्या निगराणीखाली ट्री हाऊस, जंगल तंबूंच्या साह्याने जंगल कॅम्प उभारण्यात येणार असून हे पर्यटकांसाठी खुले असतील.

पर्यटक वन खात्याने उभारलेल्या साधन सुविधांच्या साह्याने मर्यादित क्षेत्रात जंगल सफारीचा आनंद घेऊ शकतात. यामुळे वन्यजीव संरक्षित क्षेत्राचे संरक्षण संवर्धन तर होईलच याशिवाय सामान्य नागरिक आणि पर्यटकांना त्याचा लाभ घेता येईल, असेही मंत्री राणे यांनी सांगितले आहे.