Lightning At Mopa Airport

गोव्यात गेल्या काही दिवसांपासून अवकाळी पाऊस हजेरी लावत आहे. अवकाळीसह वादळी वारा आणि वीजेचा कडकडाट देखील होत आहे. गेल्या आठवड्यात झालेल्या पावसात उत्तरेतील मोपा विमानतळावर वीज कोसळल्याचा प्रकार उघडकीस आला. या घटनेचा व्हिडिओ नुकताच समोर आला आहे.

मोपा येथील मनोहर आंतरराष्ट्रीय विमानतळावर 22 मे रोजी हा प्रकार उघडकीस आला होता. वीज कोसळल्याने रनवेवरील दिवे खराब झाले. यादरम्यान सहा उड्डाणे इतरत्र वळवण्यात आली.

दिवे दुरुस्तीनंतर दोन तासांनी विमानतळावरील कामकाज पूर्ववत झाले.

मिळालेल्या माहितीनुसार, 22 मे रोजी सायंकाळी साडे सहा वाजता ही घटना घडली. यानंतर सुमारे दोन तास विमान वाहतूक खोळंबली होती. या काळात सहा विमाने इतरत्र वळविण्यात आली. तर, काही विमाने पाच तास विलंबाने दाखल झाली.

रनवे खराब झाल्याने अकासाचे मुंबई-गोवा, इंडिगोचे हैद्राबाद-गोवा फ्लाईट दाबोळी विमानतळावर वळविण्यात आले. तर, दोन विमाने मुंबई आणि बंगळुरुला वळविण्यात आले. तसेच, गोवा ते दिल्ली सव्वा सहा वाजता जाणारी फ्लाईट रात्री साडे दहा वाजता उड्डाण केले. याशिवाय नागपूरला जाणारी फ्लाईटने देखील उशीराने उड्डाण केले.